Sale!

RI XILE NOVHELE GIREDI 8 by MJ Baloyi

Hosi Hatlani u tinyungubyisa hi malandza yakwe lama waka ya pfuka ku tundzela mindyangu ya vona. Hi hala tlhelo va kumeka va ri karhi va hluvukisa xitandzi xakwe. 

Original price was: R190.00.Current price is: R170.00.

Categories: , , , Tags: ,

Book Details

Pages

92 Pages
Cover Design

PENIT Designs
Publisher

Kalahari Productions & Booksellers
Language

xiTsonga
ISBN

978-1-77033-226-3
Released

May 2013

About The Author

M.J Baloyi

Matimu ya mutsari 

Mafemani Joseph Baloyi u velekiwile eka Maphakgi ku nga muganga wa Hosi Mulima hi siku ra 22 Mawuwani 1965. U pasile ntangha ntlhanu ephurayimari ya Rivoningo eka Ribungwani hi 1979. 

Endzhaku kaloko a pasile ntangha khume (Grade 12) hi 1985 esekondari ya Akani kwale Tiyani, u yile a ya thwasela vudyondzisi eKholichi ya Dyondzo ya Tivumbeni, laha a kumeke Sitifikheti ya Secondary Teachers‟ Diploma (STD) hi ntokoto wa tidyondzo ta Sayense na Metse. U xambirile tanihi mudyondzisi eSekondari ya Shingwedzi eka Malamulele hi 1989. U tirhile kona ku ya fikela hi lembe ra 2002 loko a ta tlakusiwa tanihi xandla xa nhloko ya xikolo xa Mdanisi eka Madonsi hi 2003. Sweswi u tirha tanihi muhleri wa matsalwa ya Xitsonga eHofisinkulu ya Ndzawulo ya Dyondzo ya Xifundzankulu xa Limpopo ePolokwane ku sukela hi 2007. 

Baloyi u tlhandlekerile tidyondzo takwe hi ndlela leyi landzelaka: 

Science Education Diploma (SED) eGiyani Science Centre, 1991. 

• Further Diploma in Education (FDE) ya Sayense na Metse eRAU, 1996. 

• Further Diploma in Education (FDE) ya Education Management eRAU, 1998. 

• BA Degree ya Xitsonga na Education eUNISA, 1995. 

• BA Honours Degree ya Xitsonga eUniversity of Venda, 2002. 

• BA Honours Degree ya Translation Studies eUNISA, 2007. 

• MA Degree ya Xitsonga eUniversity of Venda, 2006. 

• Non-Degree Course 3 ya Communication eUNISA, 1998. 

• Sitifikheti ya Practical Science Teaching eRAU, 1996. 

• Baloyi a hi xambila eka vutsari bya tibuku. Tibuku leti a ti tsaleke ti katsa leti landzelaka: 

• Ndzumba wa Afrika 1, nhlengelo wa switlhokovetselo, leyi kandziyisiweke hi Heinemann hi 1999. 

• Xijumba xa tidiriva, nhlengelo wa swirungulwana, leyi kandziyisiweke hi ASKARI hi 2000. 

• Mahlambandlopfu Buku ya Muhlayi ya Giredi 6, leyi kandziyiseke hi NVA hi 2001. 

• Hinkwaswo i vutomi, nhlengelo wa switlhokovetselo, leyi kandziyiseke hi Vivlia hi 2004. 

• Hi Timula Torha Giredi 10, yi nga Buku ya Ririmi, leyi kandziyisiweke hi Vivlia hi 2005. 

• Vangamani hi Xitsonga Giredi 11, yi nga Buku ya Ririmi, leyi kandziyisiweke hi Actua Press hi 2006. 

• Vangamani hi Xitsonga Giredi 12, yi nga Buku ya Ririmi, leyi kandziyisiweke hi Actua Press hi 2007. 

• Vangamani hi Xitsonga Giredi 10, yi nga Buku ya Ririmi, leyi kandziyisiweke hi Actua Press hi 2008. 

• Switshongo swa Vatsonga, nhlengelo wa switlhokovetselo leyi hlawuleriweke Tigiredi ta 11 na 12, leyi kandziyisiweke hi Eulitz hi 2008. 

• Dyondzekani Vatsonga Giredi 11, yi nga Buku ya Ririmi, leyi kandziyisiweke hi Kalahari Productions & Book Sellers hi 2012. 

Rito ro rhanga 

N‟wana u luma endzeni na le handle. Manana loyi a tikeke u va ni ntshembo wa leswaku u hletela vutomi bya xivumbiwa lexi nga ta ndlandlamuxa rixaka rakwe. Tiko na rona ri ni ku langutela ko karhi. Ri langutela ku ndlandlamuka ka nhlayo ya vanhu. Exikarhi ka nhlayo leyi ya vanhu, tiko ri langutisela varhangeri va xiviri na vaakitiko lava nga ta hitekela nhluvukiso wa tiko ra vona handle ka swipimelo swo karhi. Ndyangu lowu n‟wana a tswariwaka eka wona wu langutisela xirho lexi nga ta kurisa xivongo. Mutswari u ni ntshembo wa leswaku n‟wana wakwe u ta n‟wi hlayisa loko se a dyuharile, a n‟wi kumela maxaka lamanene no n‟wi lahla loko a khaluta laha misaveni.